368.53
Մարդինում և Հաքքարիում PKK-ի գործողություններից 5 ոստիկան է զոհվել
1 րոպեի ընթերցում
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայում ահաբեկչական համարվող Քրդական բանվորական կուսակցության (PKK) զինյալները հերթական հարձակումն են իրականացրել երկրի իրավապահ մարմինների նկատմամբ: Ինչպես հաղորդում է «Արմենպրես»-ը` վկայակոչելով թուրքական «Անադոլու» գործակալությունը, հարձակումներն իրականացվել են Մարդինում և Հաքքարիում:
Մարդինում քուրդ զինյալները գործի են դրել պայթուցիկը ոստիկանական զրահամեքենայի անցնելու ժամանակ: Պայթյունի հետևանքով զոհվել է 3 ոստիկան, վիրավորվել մեկը:
Հաքքարիում ևս պայթուցիկը գործի է դրվել ոստիկանական զրահամեքենայի ընթացքի ժամանակ: Այստեղ պայթյունից զոհվել է 2 ոստիկան, ևս երկուսը վիրավորվել են:
Քուրդ զինյալներին հայտնաբերելու նպատակով Մարդինում և Հաքքարիում լայնածավալ գործողություններ են սկսվել:
Բաժանորդագրվեք մեր ալիքին Telegram-ում