ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկայի հայկական թանգարանը սեպտեմբերի 20-ին կհյուրընկալի թմբկահար և պրոդյուսեր Ջեյսոն Համաչերի «Քառասուն Մանկանք. երաժշտական ժառանգության փաստագրում» խորագրով ներկայացումը` նվիրված հեղինակի նոր «Քառասուն Մանկանք» ձայնասկավառակին: Այն Համաչերի վերջին աշխատանքներից է, որը Սիրիայի Հալեպ քաղաքի երաժշտական ավանդույթների մասին է: Ինչպես հայտնում է «Արմենպրես»-ը, վկայակոչելով Ամերիկայի հայկական թանգարանի կայքը, ձայնագրությունները ՀալեպիՍրբոց ՔառասնիցՄանկանցՄայրեկեղեցու հոգևոր հովիվ Հայր Եզնիկ Զեգչանյանի կատարմամբ են: Անհանգստացած լինելով Սիրիայի և հատկապես Հալեպի մշակութային արժեքների ճակատագրով, որոնք Սիրիայում տիրող պատերազմական իրավիճակի պատճառով ոչնչացվում են, Համաչերը փորձում է դրանք պահպանել ձայնագրությունների և լուսանկարների միջոցով: 1616 թվականին կառուցված եկեղեցին քանդվել էր ահաբեկիչների կողմից` նրա ձայնասկավառակի թողարկումից երկու շաբաթ հետո:
Միջոցառումը տեղի կունենա «Ադել և Հայկ Տեր-Մանուկյան» պատկերասրահում: