368.12
Գերմանիայի Նաումբուրգ քաղաքում Արմավիր անունով ծառուղի է բացվել
1 րոպեի ընթերցում
Հայաստանի Հանրապետության Արմավիր քաղաքի քաղաքապետ Վարշամ Սարգսյանը, Գերմանիայի Նաումբուրգի քաղաքապետ Արմին Մյուլլերը և Գերմանիայում ՀՀ դեսպան Վիկտոր Ենգիբարյանը Նաումուրգի «Բալի փառատոնի» շրջանակներում մասնակցել են Նաումբուրգում Արմավիր քաղաքի անվամբ ծառուղու անվանակոչման հանդիսավոր արարողությանը։
«Արմենպրես»-ի հաղորդմամբ՝ այս մասին հայտնում են Գերմանիայում ՀՀ դեսպանությունից։
Դեսպանատան տարածած հաղորդագրությունում նշվում է, որ միջոցառմանը ներկա են եղել նաև Արմավիրի մարզպետ Վահրամ Խաչատրյանը, Սաքսոնիա-Անհալթ երկրամասում ՀՀ պատվո հյուպատոս Միխաել Շմիդթը, երկրամասի լանդթագի պատգամավոր Դանիել Շթուրմը, երկու քաղաքների, ինչպես նաև Ֆրանսիայի Լես Ուլիս և Գերմանիայի Աախեն գործընկեր քաղաքների ներկայացուցիչներ, բազմաթիվ հյուրեր:
Արմավիրը և Նաումբուրգը քույր քաղաքներ են հռչակվել 2025 թվականին ստորագրված գործընկերության համաձայնագրով։ Քաղաքներն ակտիվ համագործակցում են կրթական-փոխանակման ծրագրերի, գինեգործության, գործարար կապերի ամրապնդման ոլորտներում։
Բաժանորդագրվեք մեր ալիքին Telegram-ում