1 րոպեի ընթերցում
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետությունն, ըստ աշխարհի 96 երկրներ ընդգրկած Global Watch Age Index 2015զեկույցի,զբաղեցրել է 43-րդ տեղը տարեց մարդկանց կյանքի որակի ցուցանիշով:
«Արմենպրես»-ի հաղորդմամբ` ըստ զեկույցի` Հայաստանում բնակվող 50 տարեկանից բարձր անձանց 90,3 տոկոսը համարում են, որ իրենց կյանքըհոգեբանական բարեկեցության առումով իմաստ ունի:
Գործազրկության մակարդակը 2013-2014 թվականների ընթացքում Հայաստանում ապրող 55-64 տարեկան քաղաքացիների շրջանում կազմել է 61,7 տոկոս: Ըստ զեկույցի` Հայաստանում զբաղվածության խնդրի լուծման ռազմավարության հիմնական մասը ուղղված է երիտասարդ աշխատողների ներգրավման վրա: ՀՀ-ում 60-նն անց քաղաքացիների մոտ 83,7 տոկոսը ունեն բարձրագույն կրթություն, ինչը նշանակում է, որ տարեց մարդկանց շրջանում կրթվածության առումով ՀՀ-ն լավ ցուցանիշներ ունի:
Զեկույցի համաձայն ՝ մինչև 2030 թվականը 60-նն անց ՀՀ քաղաքացիները կազմելու են բնակչության ընդհանուր թվի 23.8 տոկոսը:
Տարեցների համար ամենաբարենպաստ երկիրը Շվեյցարիան է, ամենաանբարենպաստը` Աֆղանստանն է:
Զեկույցում ներկայացված են նաև Վրաստանը (29-րդ տեղ) ու Թուրքիան (75-րդ տեղ):