368.59
ՌԴ-ն Հայաստան մատակարարվող գազն էժանացնում է 24 դոլարով
1 րոպեի ընթերցում
ՄՈՍԿՎԱ, 7 ՍԵՊՏԵՄԲԵՐԻ, ԱՐՄԵՆՊՐԵՍ: ՌԴ էներգետիկայի ու ՀՀ էներգետիկայի եւ բնական պաշարների նախարարությունները համաձայնագիր են ստորագրել Հայաստան ռուսական գազի գնի փոփոխության վերաբերյալ: Ինչպես հաղորդում է «Արմենպրես»-ը` վկայակոչելով ՏԱՍՍ-ը, համաձայն փաստաթղթի, Հայաստան մտնող 1000 խմ գազի գինը 189 դոլարից կդառնա 165 դոլար:
Կողմերը ստորագրել են նաեւ արձանագրություն «Արմգազպրոմ» ընկերության բաժնեմասերի գնման եւ հետագա գործունեության մասին փոփոխությունների անցկացման վերաբերյալ: Համաձայն փաստաթղթի` հայկական կողմը պարտավորվում է ապահովել տնտեսական արդյունավետ աշխատանք ինչպես երկրի շուկայում, այնպես էլ արտահանման առնչությամբ:
ՌԴ էներգետիկայի նախարար Ալեքսանդր Նովակը հայտարարել է, որ ընթացիկ տարվա առաջին կիսամյակում Հայաստան առանց մաքսային տուրքի արտահանվել է 70.000 տոննա նավթամթերք եւ 1 մլրդ խմ բնական գազ:
Բաժանորդագրվեք մեր ալիքին Telegram-ում