388.37
Թբիլիսին բողոքի նոտա է հղել Անկարային
1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Անկարայում Վրաստանի դեսպանությունը Թուրքիայի ԱԳՆ-ին նոտա է հանձնել` կապված այդ երկրի պաշտոնատար անձանց Աբխազիա կատարած այցի հետ:
Այս մասին, ինչպես հաղորդում է «Արմենպրես»-ը` վկայակոչելով «Նովոստի-Գրուզիա» լրատվական գործակալությունը, հայտնել է Թուրքիայում Վրաստանի դեսպան Իրակլի Կոպլատաձեն:
«Մեր թուրք գործընկերները մեզ բացատրել են, որ ներկայում Թուրքիայում անցկացվող նախընտրական արշավի շրջանակում թուրքական շրջանների որոշ թեկնածուներ, որտեղ աբխազներ են բնակվում, Սոչիով մեկնել են Աբխազիա, որպեսզի ընտրություններում ստանան նրանց ձայները», -պարզաբանել է դեսպանը:
Դրա հետ միասին Իրակլի Կոպլատաձեն ընդգծել է, որ Թուրքիան կառավարության մակարդակով միանշանակ «պաշտպանում է Վրաստանի տարածքային ամբողջականությունը»` ՄԱԿ-ում պաշտպանելով վրացական բանաձեւը:
Բաժանորդագրվեք մեր ալիքին Telegram-ում
