2 րոպեի ընթերցում
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Գրեթե մեկ տարվա ընդմիջումից հետո կանադացի նշանավոր երգչուհի Սելին Դիոնը վերադառնում Է Լաս Վեգասի բեմ: «Իմ առաջին համերգը կկայանա հինգշաբթի օրը՝ օգոստոսի 27-ին՝ «Սիզարս փալաս» ժամանցային համալիրի «Քոլիզեյ» թատրոնում»,-երգչուհու խոսքը օգոստոսի 26-ին մեջբերում Է Las Vegas Sun թերթը, տեղեկացնում Է «Արմենպրես»-ը:
Անցյալ տարվա ամռանը Սելին Դիոնն անսպասելիորեն ընդհատեց իր համերգների շարքը Լաս Վեգասում, դուրս գալով պարտավորագրից, ըստ որի նա պետք Է տար եւս 40 շոու: Պատճառը նրա ամուսնու՝ հայտնի մենեջեր Ռընե Անջելիլի հիվանդության սրվելն Էր: Նրան ախտորոշել Էին կոկորդի քաղցկեղ:
Հրատարակության տվյալներով՝ Սելին Դիոնը Լաս Վեգասի բեմ Է վերադարձել ամուսնու հանձնարարությամբ: «Անցած տարվա ընթացքում նրա ինքնազգացողությունը չի բարելավվել, բայց նա պնդել Է, որ երգչուհին շարունակի իր ելույթները Լաս Վեգասում»,-նշում Է հրատարակությունը:
Շոուի համար Սելին Դիոնը նոր ծրագիր Է պատրաստել: Այն արվել Է երգչուհու նոր երաժշտական տնօրեն Քեն Էռլիխի մասնակցությամբ: Ընդամենը Սելին Դիոնը կտա 40 համերգ, որոնցից վերջինը կկայանա 2016 թվականի հունվարի 17-ին:
2003 թվականից ի վեր հանրաճանաչ երգչուհին կանոնավոր կերպով ելույթ Է ունենում Լաս Վեգասում: Անցած ժամանակաշրջանում Սելին Դիոնը «Քոլիզեյ»-ում 917 համերգ Է տվել, որոնց ներկա Է եղել 3,5 մլն հանդիսատես, հաղորդել Է ՏԱՍՍ-ը:
Լուսանկարը` AP