Թբիլիսիում իրատեսական են համարում ՆԱՏՕ-ին Վրաստանի անդամակցությունն առանց ԱԳԾ ստանալու

ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Վրացական կողմը պաշտպանում Է երկրի միանալը ՆԱՏՕ-ին՝ առանց Անդամակցության գործողությունների ծրագիր (ԱԳԾ) ստանալու, սակայն եթե ՆԱՏՕ-ն պատրաստ լինի դռները բացել անդամակցման համար, ապա նաեւ պատրաստ կլինի ԱԳԾ տրամադրել: Այդ մասին, ինչպես տեղեկացնում Է «Արմենպրես»-ը, հայտարարել Է Վրաստանի խորհրդարանի պաշտպանության եւ անվտանգության կոմիտեի նախագահ Իրակլի Սեսիաշվիլին:

Ավելի վաղ ամերիկացի քաղաքագետ Լյուք Քոֆին այն կարծիքն Է հայտնել, որ «2016 թվականի հուլիսին ՆԱՏՕ-ի՝ Լեհաստանում պլանավորված գագաթնաժողովում նախագահ Բարաք Օբաման, պետքարտուղար Ջոն Քերին եւ պաշտպանության քարտուղար Էշթոն Քարթերը պետք Է հրապարակավ հայտարարեն, որ ՆԱՏՕ-ին անդամակցելու համար Վրաստանին ԱԳԾ հարկավոր չԷ»:

Սեսիաշվիլին օգոստոսի 18-ին լրագրողներին հայտնել Է, որ «այդ հարցը քննարկվել Է դեռ մինչեւ Ուելսի գագաթնաժողովի սկսվելը»: «Ես ջանում Էի այդ հարցն օրակարգ մտցնել դեռ մինչեւ ՈՒելսի գագաթնաժողովի սկսվելը: Ես փաստարկներ եմ ներկայացրել ՆԱՏՕ-ի վեհաժողովի իմ գործընկերներին, եւ մենք քննարկել ենք այդ հարցը: Բայց ես մեկ անգամ եւս կրկնում եմ՝ եթե ՆԱՏՕ-ն պատրաստ լինի Էլ ավելի բացել ճանապարհը Վրաստանի համար, ապա նա պատրաստ կլինի նաեւ Գործողությունների ծրագիր տրամադրելուն»,-հայտարարել Է Սեսիաշվիլին, հաղորդել Է ՌԻԱ Նովոստին:

Լուսանկարը` AP