1 րոպեի ընթերցում
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Օլիվերը եւ Ամելիան 2014 թվականին նորածինների ամենատարածված անուններն են մնացել Անգլիայում եւ Ուելսում, Լոնդոնում առաջատարն են Մուհամադը եւ Ամելիան: Այդ մասին, ինչպես տեղեկացնում Է «Արմենպրես»-ը, օգոստոսի 17-ին հայտնել Է Ազգային վիճակագրության բյուրոն: Ամելիա անունը վարկանիշի առաջին հորիզոնականն զբաղեցնում Է 2011 թվականից, Օլիվերը՝ անցած տարվանից:
2014 թվականին տղամարդու երեք ամենատարածված անունները եղել են Օլիվերը, Ջեկը եւ Հարին: Ջորջը՝ բրիտանական գահի ժառանգորդի, Քեմբրիջի դքսի ու դքսուհու որդու, անունը յոթերորդ տեղում Է:
Կանանց անուններից առաջատարիների թվում են Ամելիան, Օլիվիան եւ Այլան: Շառլոտան 2014 թվականին 23-րդ տեղում Էր, բայց 2015-ին, ամենայն հավանականությամբ, այդ անունն առավել մեծ տարածում կգտնի, քանի որ դքսուհի Քեյթն այս տարի ծնել Է Շառլոտա դստերը:
Շոտլանդիայում եւ Հյուսիսային Իռլանդիայում ամենատարածված անուններն են Ջեկը եւ Էմիլին, հաղորդել Է ՌԻԱ Նովոստին: