Բաքվում կինն ինքնասպանության փորձ է կատարել Ալիեւի նստավայրի դիմաց

ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Ադրբեջանի նախագահի աշխատակազմ ընդունելության եկած կանանցից մեկն իր վրա բենզին է լցրել եւ փորձել հրկիզել իրեն:

Ինչպես հաղորդում է «Արմենպրես»-ը` վկակայոչելով «Ազատություն» ռադիոկայանի ադրբեջանական ծառայությունը, նրա մոտ գտնվող մարդկանց հաջողվել է կանխել կնոջ գործողությունները:

Վկաների խոսքով` կինը փորձել է բողոքել դատարանի անարդար որոշման դեմ, բայց չի կարողացել իր բողոքը հասցնել համապատասխան կառույցներին: Հենց դա էլ նրան դրդել է դիմել նման հուսահատ քայլի: Գիտակցությունը կորցրած կնոջը տարել են շտապ օգնության մեքենայով:

2015 թվականի ընթացքում սա քաղաքացու ինքնահրկիզման դիմելու արդեն 10-րդ դեպքն է Ադրբեջանում, որից 5-ը մահվան ելքով ավարտ են ունեցել:

2015 թվականի սկզբից մինչ այժմ Ադրբեջանում 123 ինքնասպանության դեպք է տեղի ունեցել, որից երկուսը ղարաբաղյան պատերազմի վետերան եւ հաշմանդամ են:

Ադրբեջանի իշխանությունները երկրում ինքնասպանությունների պաշտոնական վիճակագրություն չեն հրապարակում, սակայն, ադրբեջանական ԶԼՄ-ների համաձայն` 2014 թ-ին այդ երկրում 240 ինքնասպանության դեպք է տեղի ունեցել, որոնցից 16-ը անչափահասներ են եղել:14 ինքնասպանության դեպք էլ գրանցվել է Ադրբեջանի զինված ուժերում:

Ադրբեջանում 2014 թվականի ընթացքում ինքնահրկիզման են դիմել 13 քաղաքացիներ, որոնցից 7-ը` ղարաբաղյան պատերազմի հաշմանդամներ: Նրանք այդ քայլին են դիմել իրենց իրավունքները իշխանություններից կողմից խախտվելու, կաշառք պահանջվելու եւ այլ պատճառներով: