Թբիլիսիում ջրհեղեղից տուժածները փակել են կենտրոնական փողոցը

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Թբիլիսիում ջրհեղեղից տուժած Սվանիձե փողոցի բնակիչները փակել են Թամարաշվիլիի պողոտան՝ խնդրելով արագացնել փոխհատուցումների վճարումը, հաղորդում Է «Արմենպրես»-ը՝ հղում անելով «Ռուսթավի-2» հեռուստաընկերությանը:

Հունիսի լույս 14-ի գիշերը Թբիլիսիում տեղի Է ունեցել ավերիչ ջրհեղեղ. ափերից դուրս եկած Վերե գետը հեղեղել Է բնակելի տները, կենդանաբանական այգին, շների մասնավոր ապաստանը, վնասվել Է քաղաքի ենթակառուցվածքը: Ըստ վերջին պաշտոնական տվյալների, զոհվել Է 19 մարդ, 300 բնակիչներ զրկվել են օթեւանից: Սվանիձե փողոցն ամենից ավելի Է տուժել հեղեղումից: Փողոցի գրեթե բոլոր տները լցվել են ջրով եւ պիտանի չեն ապրելու համար:

Ակցիան կազմակերպած Սվանիձե փողոցի բնակիչներն օգնություն են խնդրում նրանց համար, ովքեր կորցրել են իրենց տները: «Մենք ամեն տեղ գնում ենք եւ որոշակի պատասխան չենք լսում»,-հայտարարել Է ակցիայի մասնակից Անա Ջանաշիան:

Ակցիայի վայր Է ժամանել Վակեի շրջանի վարչակազմի ղեկավարը, շրջան, որի մաս Է կազմում Սվանիձե փողոցը, եւ փորձել են հանգստացնել բնակիչներին:

«Երկուշաբթի օրը եզրակացություն կհրապարակվի այն մասին, թե գնվելու են արդյոք տուժածների տները»,-հայտարարել Է շրջանի ղեկավար Լաշա Աբաշիձեն:

Իր հերթին Թբիլիսիի քաղաքապետարանի ունեցվածքի կառավարման գործակալության ղեկավար Կառլո Լապերաձեն հայտարարել Է, որ տուժածներն արդեն առաջարկություն են ստացել իրենց տների գնման վերաբերյալ: