Վրաստանի պաշտպանության նախարարը պաշտոնական այցով ուղեւորվում Է ԱՄՆ

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Վրաստանի պաշտպանության նախարար Թինաթին Խիդաշելին օգոստոսի 15-ին պաշտոնական այցով կուղեւորվի ԱՄՆ: Այդ մասին, ինչպես տեղեկացնում Է «Արմենպրես»-ը, պաշտպանական գերատեսչության ղեկավարը հայտնել Է «Իմեդի» հեռուստաընկերության եթերում:

ԱՄՆ-ում պլանավորված են Խիդաշելիի բանակցությունները ամերիկացի պաշտոնակից Էշթոն Քարթերի հետ, ինչպես նաեւ հանդիպումներ Սպիտակ տանը, Պետդեպարտամենտում, ամերիկացի լրագրողների եւ ոչ կառավարական կազմակերպությունների ներկայացուցիչների հետ:

«Մեր գլխավոր օրակարգը հայտնի Է, ոչ մի նոր բան չեմ ասելու: Մի կողմից՝ այն ուղղված Է վրաց-ամերիկյան հարաբերությունների Էլ ավելի ուժեղացմանը… մյուս կողմից՝ ՆԱՏՕ-ի նախարարական հանդիպմանը եւ ՆԱՏՕ-ի՝ Վարշավայում պլանավորված գագաթնաժողովում ամերիկյան կողմի աջակցությունն ստանալուն»,-հայտարարել Է Խիդաշելին:

Վրաստանի եւ ԱՄՆ-ի միջեւ ռազմավարական գործընկերության խարտիան ստորագրվել Է 2009 թվականի հունվարի 9-ին Վաշինգտոնում: Խարտիայի շրջանակներում 2009 թվականի հունիսին ստեղծվել Է չորս աշխատանքային խումբ, որոնք աշխատում են տարբեր բնագավառներում: Փաստաթուղթը նախատեսում Է գործընկերային կապերի եւ համագործակցության ընդլայնում պաշտպանության եւ անվտանգության, Էկոնոմիկայի եւ Էներգետիկայի, ժողովրդավարական բարեփոխումների, դիվանագիտության եւ մշակույթի բնագավառում: