1 րոպեի ընթերցում
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Ճապոնիայի Toyota ավտոգործարանը իր Mirai առաջին ջրածնային սեդանը կսկսի երկրում վաճառել դեկտեմբերին, 2016 թվականից վաճառքներ են նախատեսվում ԱՄՆ-ում, տեղեկացնում է «Արմենպրես»-ը՝ հղում անելով RT-ին:
Ճապոնիայում նորույթի գինը կկազմի շուրջ 60 հազար դոլար: Ընդ որում երկրի կառավարությունը հայտարարել է, որ էկոլոգիական սեդանների բոլոր գնորդները պետությունից լրավճարներ կստանան 17 հազար դոլարի չափով:
Քանի որ Mirai-ն աշխատում է ջրածնով, նրա համար պահանջվում են հատուկ լցակայաններ: Ավտոմեքենայի լցավորման բույն գործընթացը տեւում է ընդամենը մի քանի րոպե: Ընդ որում, արտադրողի տվյալներով, լրիվ լցավորված բաքով սեդանը կարող է անցնել մոտավորապես 650 կիլոմետր, իսկ լցավորման արժեքը մեկ կիլոմետրի հաշվով կազմում է ընդամենը 0,1 դոլար: Էլոկտրաշարժիչի հզորությունը 136 ձիաուժ է:
Մոտ ժամանակներս ջրածնային ավտոմեքենաների շուկա է պլանավորում մտնել նաեւ Honda-ն: Ընկերությունը FCV մոդելի վաճառքներն սկսելու է 2016 թվականին: