368.54
Կառավարությունում քննարկվել են ԾԻԳ-երի գործունեության հաշվետվությունները
1 րոպեի ընթերցում
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Վարչապետ Հովիկ Աբրահամյանի գլխավորությամբ կառավարությունում տեղի է ունեցել Ծրագրերի իրականացման գրասենյակների 2015 թվականի առաջին կիսամյակի գործունեության հաշվետվությունների վերաբերյալ քննարկում: Ինչպես «Արմենպրես»-ին տեղեկացրին ՀՀ կառավարության տեղեկատվության եւ հասարակայնության հետ կապերի վարչությունից, ԾԻԳ-երի ղեկավարները ներկայացրել են իրենց կողմից կատարված աշխատանքների կատարողականները, տարվա ընթացքում նախատեսվող ծրագրերն ու առկա խնդիրները:
Վարչապետ Աբրահամյանը նշել է, որ նախորդ տարվա նույն ժամանակահատվածի համեմատ կատարված աշխատանքների ծավալը կրկնապատկվել է: Հովիկ Աբրահամյանը պահանջել է ներդնել բոլոր ջանքերը՝ նախատեսվող ծրագրերը բարձր որակով և ժամանակին կյանքի կոչելու համար:
Վարչապետը հորդորել է ԾԻԳ-երի ներկայացուցիչներին աշխատանքների ընթացքում ծագող խնդիրները անհրաժեշտության դեպքում ներկայացնել կառավարություն՝ շուտափույթ լուծում տալու համար:
Բաժանորդագրվեք մեր ալիքին Telegram-ում