Կալանք Է դրվել Վրաստանի «Ռուսթավի 2» հեռուստաընկերության ունեցվածքի վրա

ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Վրաստանի արդարադատության նախարարությունը կալանք Է դրել Վրաստանի «Ռուսթավի 2» խոշոր հեռուստաընկերության ունեցվածքի մի մասի վրա՝ ըստ հեռուստաընկերության նախորդ սեփականատեր Քիբար Խալվաշիի հայցի: Այս մասին, ինչպես տեղեկացնում Է «Արմենպրես»-ը, հայտարարել Է «Ռուսթավի 2»-ի գլխավոր տնօրեն Նիկա Գվարամիան:

«Մենք կգանգատարկենք դա, եւ դա կլինի լայնընդգրկուն իրավական պատերազմ մենք նաեւ այլ մեթոդներ ունենք, որոնք պարտադիր կարգով կօգտագործենք, քանի որ դա ոչ միայն դատավեճ Է իրավական տեսանկյունով... Վիճող կողմը ոչ միայն Քիբար Խալվաշին Է, վիճող կողմը Վրաստանի իշխանությունն Է»,- հայտարարել Է Գվարամիան:

Նա հայտարարել Է, որ խոսքը վերաբերում Է «վրացական ժողովրդավարության Էքզիստենցիալ կարեւորության գործին» եւ դատարանին կոչ Է արել «չստորագրել այն ապօրինի վճռի ներքո, որը վերաբերում Է հեռուստաընկերության ունեցվածքի մի մասի կալանադրմանը»:

Գործարար եւ Վրաստանի պաշտպանության նախկին նախարար Իրակլի Օկրուաշվիլիի ընկերը՝ Քիբար Խալվաշին, օգոստոսի 5-ին Թբիլիսիի քաղաքային դատարանում հայց Է հարուցել «Ռուսթավի 2»-ից իր բաժնի «ապօրինի բռնագրավման» կապակցությամբ:

Խալվաշին 2005 թվականին տիրում Էր «Ռուսթավի 2»-ի 100 տոկոս բաժնին, իսկ 2005 թվականի դեկտեմբերին 22-տոկոսանոց բաժինը փոխանցել Է «Սաքցեմենտի» ընկերությանը (այժմ «Հայդելբերգ ցեմենտ Ջորջիա»), որի միանձնյա սեփականատերը Վրաստանի արտաքին գործերի նախարարության նախկին ղեկավար Գելա Բեժուաշվիլիի հայրն Էր՝ Ռոբերտ Բեժուաշվիլին: 2006 թվականին Խալվաշին մնացած 78 տոկոսը վաճառել Է Բիձինա Նիժարաձեի «Ջեո-տրանս» ընկերությանը:

Լուսանկարը` РИА Новости