Ջավախքի պաշտպանված տարածքում բացվել Է Ազգային բնայգին

ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Ջավախքի պաշտպանված տարածքում բացվել Է Ազգային բնայգին: Այդ մասին, ինչպես տեղեկացնում Է «Արմենպրես»-ը, հաղորդել Է Վրաստանի Պաշտպանված տարածքների գործակալությունը:

Ախալքալաքում Ջավախքի ազգային բնայգու այցելուների կենտրոնի եւ վարչական շենքի շինարարությունն սկսվել Է 2014 թվականի հունիսին: Տուրիստական օբյեկտների շինարարությունը ֆինանսավորվել Է Գերմանիայի վերակառուցման վարկային բանկի (KfW) կողմից, իսկ Բնության պահպանության համաշխարհային հիմնադրամի (WWF) Գերմանիայի մասնաճյուղն իրականացրել Է շինարարական աշխատանքների հսկողությունը:

«Վրաստանում Ջավախքի բնայգու ստեղծումը» նախագծի շրջանակներում, որի լրիվ արժեքը կազմել Է 2,250 միլիոն եվրո, Ջավախքի տարածքում արդեն ստեղծվել են Ազգային բնայգին եւ հինգ արգելավայրեր: Հիշյալ նախագիծը նախատեսում Էր Էկո-տուրիստական ենթակառուցվածքի ստեղծում եւ անդրսահմանային համագործակցության զարգացում:

Ջավախքի պահպանվող տարածքներն ստեղծվել են 2011 թվականին՝ Վրաստանի Պաշտպանված տարածքների գործակալության նախաձեռնությամբ: Ազգային բնայգու ստեղծման շրջանակներում իրականացվել են տուրիստական ենթակառուցվածքի բարեկարգում, Էկո-տուրիզմի զարգացում եւ այլ միջոցառումներ: