Բաթումում տեղի կունենա «Ի՞նչ: Որտե՞ղ: Ե՞րբ» խաղի Բաց գավաթի չորրորդ խաղարկությունը
1 րոպեի ընթերցում
![Բաթումում տեղի կունենա «Ի՞նչ: Որտե՞ղ: Ե՞րբ» խաղի Բաց գավաթի չորրորդ խաղարկությունը](http://armenpress.am/resized/480/static/news/b/2015/07/813856.jpg)
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Բաթումի "Sheraton Batumi" հյուրանոցում հուլիսի 31-ին տեղի կունենա «Ինչ: Որտե՞ղ: Ե՞րբ» ինտելեկտուալ խաղի Բաց գավաթի չորրորդ խաղարկության բացումը:
Ինչպես տեղեկացնում Է «Արմենպրես»-ը, մրցաշարին, որը Վրաստանում կկայանա մինչեւ օգոստոսի 2-ը ներառյալ, կմասնակցեն խաղորդներ Վրաստանից, Գերմանիայից, Հայաստանից, Մոլդովայից, Ադրբեջանից, Ռուսաստանից, Մերձբալթիկայից եւ Ուկրաինայից՝ ընդամենը 55 թիմ: Ժյուրիի անդամներ են հայտնի ինտելեկտուալներ՝ Ալեքսանդր Ռուբինը (Մոսկվա), Ալես Մուխինը (Մինսկ), Ալեքսանդր Անդրոսովը (Օդեսա):
Սեւ ծովի չորրորդ Բաց գավաթի շրջանակներում նաեւ կկայանա բրեյն-ռինգի մրցաշար (օգոստոսի 2-ին, ժամը 12:00-ին, "Sheraton Batumi Hotel"-ի դիմաց գտնվող ճեմուղու "Take Five" ակումբ):
Միջոցառման գլխավոր հովանավորն Է "SILKNET" ընկերությունը:
Սեւ ծովի Բաց գավաթն արդեն չորս տարի Է, ինչ փոխարինել Է Հարավային Կովկասի առաջնությանը, որը նույնպես անցկացվում Էր Աջարիայում՝ 1998 – 2011 թվականներին: