Ադրբեջանի գյուղերում աճել է ոչ պաշտոնական ամուսնություններից ծնված երեխաների թիվը

ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Ադրբեջանի գյուղերում աճել է պաշտոնական ամուսնական կապեր չունեցողներից ծնված երեխաների թիվը, իսկ քաղաքներում` նվազել:

Այս մասին, ինչպես հաղորդում է «Արմենպրես»-ը, հայտնում է qafqazinfo.az-ը` հղում կատարելով Ադրբեջանի պետական վիճակագրական կոմիտեին:

Կոմիտեի տվյլաներով` Ադրբեջանում 2013 թվականին պաշտոնապես չամուսնացած կանանց կողմից ծնվել է 25069 երեխա, իսկ 2014 թվականին` 25486 երեխա:

2013 թվականին գյուղական շրջաններում պաշտոնապես չամուսնացածներից ծնվել է 14177 երեխա, 2014 թվականին` 15714 երեխա: