Թբիլիսիում օլիմպիական փառատոնի ժամանակ մարզադաշտի տրիբունան սկսել Է այրվել

ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: Հուլիսի 26-ին «Թբիլիսի 2015» Եվրոպայի երիտասարդական Օլիմպիական փառատոնի բացման արարողության ժամանակ հրդեհ Է բռնկել «Լոկոմոտիվ» մարզադաշտի տրիբունայում:

Հանդիսավոր արարողության ուղիղ հեռարձակումը հաղորդել Է Վրաստանի Առաջին ալիքը: Բռնկած տրիբունան դատարկ Է եղել: Ինչպես տեղեկացնում Է «Արմենպրես»-ը, Վրաստանի զանգվածային լրատվամիջոցների տվյալնրով՝ հրդեհը բռնկել Է հրավառության հետեւանքով, սակայն հրշեջներին հաջողվել Է ժամանակին մարել կրակը:

Վիթխարի հրավառության ժամանակ պատահել Է եւս մեկ ոչ մեծ միջադեպ, մասնավորապես, հրավառության մի կայծ ընկել Է մարզասերներով լի տրիբունայի վրա, ինչի պատճառով հանդիսականները տեղափոխվել են հարեւան տրիբունա:

«Թբիլիսի 2015» Եվրոպայի XIII երիտասարդական Օլիմիական փառատհոնի բացման հանդիսավոր արարողությունն արդեն ավարտվել Է: Հուլիսի 27-ին մեկնարկում են մրցումները, որոնց կմասնակցեն շուրջ 4 հազար մարզիկներ 50 երկրներից: Հանդիսականների համար մրցումների մուտքն ազատ Է, հաղորդել Է ՌԻԱ Նովոստին: