388.37
Ռիչարդ Հոգլանդը պարզաբանել է Ադրբեջանում ամերիկյան ներդրումների նվազելու պատճառները
2 րոպեի ընթերցում
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Այցով Բաքվում գտնվող ԱՄՆ-ի պետքարտուղար Ջոն Քերիի Կենտրոնական եւ Հարավային Ասիայի հարցերով օգնական Ռիչարդ Հոգլանդը մեկնաբանել է Ադրբեջանում ամերիկյան ներդրումների նվազելու պատճառները:
Ինչպես հաղորդում է «Արմենպրես»-ը` վկայակոչելով «Թուրան» լրատվական գործակալությունը, Ադրբեջանի բարձրագույն ղեկավարության հետ հանդիպումից հետո կազմակերպված մամուլի ասուլիսում Հոգլանդն ասել է. «Ադրբեջանում ամերիկյան ներդրումների նվազման մեջ քաղաքական ենթատեքստ չկա: Ամերիկյան ընկերությունները մասնավոր սեփականություն են հանդիսանում, կառավարությունը չի վերահսկում նրանց, ԱՄՆ-ում պետական ընկերություններ չկան, այդ պատճառով ընկերությունները ներդրումներ են կատարում, երբ դա տնտեսապես շահավետ է: Մինչ այսօր ԱՄՆ-ն Ադրբեջանում խոշոր ներդրումներ է կատարել: Երկու երկրների միջեւ հարաբերությունների եւ ներդրումների համար պայմանների լավացման հետ կաճեն նաեւ կապիտալ ներդրունները», -հավաստիացրել է նա:
Ռիչարդ Հոգլանդը նշել է, որ Ադրբեջան իր այցի հիմնական նպատակը հանդիսանում է «Մետաքսի ուղի» տրանսպորտային միջանցքի նախագծին վերաբերվող հարցերի քննարկումը:
Նրա խոսքով ` ԱՄՆ-ն պաշտպանում է «Մետաքսի ուղու» զարգացումը, սակայն, դեռեւս այդ հարցով կոնկրետ որոշում ընդունված չէ:
Բաժանորդագրվեք մեր ալիքին Telegram-ում
