Տեղատարափ անձրեւները եւ կարկուտը լուրջ վնաս են հասցրել Վրաստանի արեւելքին. զոհեր չկան
1 րոպեի ընթերցում
![Տեղատարափ անձրեւները եւ կարկուտը լուրջ վնաս են հասցրել Վրաստանի արեւելքին. զոհեր չկան](http://armenpress.am/resized/480/static/news/b/2015/07/813026.jpg)
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Տեղատարափ անձրեւները եւ կես ժամ շարունակված սաստիկ կարկուտը հուլիսի լույս 23-ի գիշերը լուրջ վնաս են հասցրել Վրաստանի արեւելքի Գուրջանի, Թելավի, Ախմետայի եւ Քվարելի շրջաններին:
Կախեթի երկրամասի իշխանությունների ներկայացուցիչները, որի տարածքում են գտնվում այս շրջանները, հուլիսի 23-ին լրագրողներին հաղորդել են, որ տարերքի հետեւանքով տապալվել են տասնյակ ծառեր, ջրածածկ են եղել առաջին հարկերը եւ հարյուրավոր մասնավոր տների բակերը, վնասվել են տասնյակ տների տանիքները, ոչնչացել Է գյուղատնտեսական մշակաբույերի մի մասը, տեղեկացնում Է «Արմենպրես»-ը:
Տարերքը հանգեցրել Է երթեւեկության դադարեցման ավտոճանապարհների մի շարք հատվածներում, ճանապարհային ծառայությունների աշխատակիցների ձեռնարկած միջոցների շնորհիվ առավոտյան այդ հատվածներում ավտոմեքենաների երթեւեկությունը հաջողվել Է վերականգնել: Տեղատարափ անձրեւների եւ կարկուտի հետեւանքով վնասվել են Էլեկտրահաղորդման մի շարք տեղական գծեր:
Նախնական տեղեկատվությամբ՝ մարդկային զոհեր չկան: Արտակարգ եւ փրկարարական ծառայությունների աշխատակիցները հատուկ տեխնիկայի միջոցով կատարում են տարերքի հետեւանքների վերացման եւ վնասված օբյեկտների վերականգնման աշխատանքներ, հաղորդել Է ՏԱՍՍ-ը: