Վեներայի կողմից Լուսնի ծածկումը հնարավոր կլինի դիտարկել արևելյան Ավստրալիայից

ԵՐԵՎԱՆ, ՀՈՒԼԻՍԻ, ԱՐՄԵՆՊՐԵՍ: Հուլիսի 19-ին Գրինվիչի ժամանակով (UTC) 06:30-ին երկնակամարում տեղի կունենա Վեներայի ծածկումը Լուսնի կողմից։ Այս մասին «Արմենպրես»-ին տեղեկացրին Հայկական աստղագիտական ընկերությունից:

Ծածկումն (լատիներեն` օկուլտացիա) աստղագիտական այն երևույթն է, երբ մեկ երկնային մարմին անցնում է մեկ այլ երկնային մարմնի առջևից, և քանի որ Լուսնի սկավառակի անկյունային չափը տասնյակ և հարյուրավոր անգամ մեծ է մոլորակների սկավառակներից, ավելի հաճախ տարբեր մոլորակների ծածկումներ կարելի է դիտել Լուսնի կողմից։ Օրինակ, Վեներայի անկյունային տրամագիծը (9.67”) Լուսնի անկյունային տրամագծից (31.5’) փոքր է 195 անգամ: Այդ երևույթի ժամանակ երկու լուսատուները երկնքում մոտենում են միմյանց, այնուհետև մոլորակը հայտնվում է Լուսնի սկավառակի հետևում և որոշ ժամանակ չի երևում, իսկ որոշ ժամանակ անց հայտնվում է Լուսնի մյուս կողմում: Այդ ժամանակ առավել ակնհայտ են մոլորակների շարժումները, և մարդիկ հնագույն ժամանակներից նկատել են երկնային այս իրադարձությունները և հետևել դրանց: Այս լուսնային ծածկումը տեսանելի կլինի արևելյան Ավստրալիայից։

Հաջորդ Վեներայի ծածկումը Լուսնի կողմից տեղի կունենա 2015թ․ հոկտեմբերի 9-ին։