Աբաշիձեն հայտարարել Է Ռուսաստանի հետ բանակցությունների արդյունավետության մասին

ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ: Ռուսաստանի հետ հարաբերությունների կարգավորման գծով Վրաստանի վարչապետի հատուկ ներկայացուցիչ Զուրաբ Աբաշիձեն հայտարարել Է, որ իր սիստեմատիկ հանդիպումները ՌԴ-ի ԱԳ փոխնախարար Գրիգորի Կարասինի հետ «շատ օգուտ են բերել» երկկողմ հարաբերություններում, տեղեկացնում Է «Արմենպրես»-ը:

Ավելի վաղ Վրաստանի նախարարների կաբինետի ներկայացուցիչները հայտարարել են Աբաշիձե - Կարասին հանդիպումների ձեւաչափը վերանայելու կամ վերացնելու հնարավորության մասին:

«Ինչ-որ մասով չի՞ արդարացրել այս ձեւաչափը: Չե՞ն վերականգնվել տրանսպորտային հանղորդակցուղիները, արտահանումը: Չի՞ կարգավորվել ճանապարհային բեռնափոխադրումների հիմնախնդիրը կամ չլուծված են մնացել հումանիտար խնդիրները, նկատի ունեմ լրտեսության համար պատիժ կրող մեր քաղաքացիներին: Այս ամենն այդ ձեւաչափի պարտավորությունն Է եւ իմ մանդատը, ամեն ինչ արվում Է»,- լրագրողներին հայտարարել Է Աբաշիձեն:

Երկու երկրների ներկայացուցիչների հերթական հանդիպումը տեղի կունենա հուլիսի 15-ին:

Վրաստանի նոր կառավարության ներկայացուցիչները, որոնք իշխանության գլուխ են անցել 2012 թվականի հոկտեմբերի 1-ի խորհրդարանական ընտրությունների արդյունքներով, երկրի արտաքին քաղաքականության գլխավոր առաջնահերթություններից մեկն են համարել ՌԴ-ի հետ հարաբերությունների նորմալացումը, հաղորդել Է ՌԻԱ Նովոստին:

Լուսանկարը` РИА Новости