Բրիտանական թագավորական ընտանիքն իր ողջ կազմով լուսանկար է հրապարակել

ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Մեծ Բրիտանիայի թագավորական ընտանիքն իր ողջ կազմով նոր լուսանկար է հրապարակել: Ինչպես հաղորդում է «Արմենպրես»-ը` վկայակոչելովThe Daily Mail-ը, լուսանկարն արվել է թագավորական ընտանիքի ամենափոքր անդամի` արքայադուստր Շարլոտայի կնունքի ժամանակ հայտնի լուսանկարիչ Մարիո Տեստինոյի կողմից, ով նաև համարվում է արքայադուստր Դիանայի վերջին պաշտոնական լուսանկարների հեղինակը:

Ֆոտոսեսիայի լուսանկարները կատարվել են եկեղեցու մոտ գտնվող այգում, ինչպես նաև Սանդրիգեմ հաուսում` թագուհու մասնավոր նստավայրում:

Հատկապես հատկանաշական է այն լուսանկարը, որտեղ թագավորական ընտանիքի չորս սերունդներ են առկա` այժմյան թագուհի Ելիզավետա Երկրորդը, արքայազն Չարլզը, արքայազն Ուիլյամը և փոքրիկ արքայազն Ջորջը: