1 րոպեի ընթերցում
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: New Horizons միջմոլորակային ավտոմատ կայանն ստացել Է Պլուտոնի նոր եւ այսօրվա դրությամբ ամենաորակյալ գունավոր լուսանկարները: Այս մասին, ինչպես տեղեկացնում Է «Արմենպրես»-ը, հաղորդել Է NASA-ի կայքը:
Լուսանկարներում երեւում են թզուկ մոլորակի երկու կիսագնդերը: Նկատվում են մի քանի մութ բծեր, որոնք հավասարաչափ դասավորված են հասարակածի երկայնքով: Դրանցից յուրաքանչյուրի տրամագիծը գնահատվում Է 480 կիլոմետր, իսկ մակերեսը զուգադրելի Է ԱՄՆ-ի Միսուրիի նահանգի հետ (ավելի քան 180 հազար քառակուսի կիլոմետր):
Գիտնականներն ավելի վաղ Պլուտոնի վրա նման բծեր չեն նկատել եւ չգիտեն դրանց բնույթը: Ինչպես նշել են մասնագետները, թզուկ մոլորակի մակերեւույթի գունային գամմայի բազմազանությունն անսպասելիորեն հարուստ Է եւ զգալիորեն տարբերվում Է նրա արբանյակ Խարոնից: