ԿԽՄԿ աշխատակիցներն այցելել են Ադրբեջանում բանտարկված հայ սահմանախախտին
1 րոպեի ընթերցում
![ԿԽՄԿ աշխատակիցներն այցելել են Ադրբեջանում բանտարկված հայ սահմանախախտին](http://armenpress.am/resized/480/static/news/b/2015/07/811204.jpg)
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Կարմիր խաչի միջազգային կոմիտեի աշխատակիցները հանդիպել են ադրբեջանական կողմում բանտարկված հայ սահմանախախտ Արսեն Բաղդասարյանի հետ: Ինչպես հաղորդում է «Արմենպրես»-ը, հանդիպումը տեղի է ունեցել հունիսի 30-ին: ԿԽՄԿ աշխատակիցների միջոցով Բաղդասարյանն ու նրա ընտանիքը փոխանակվել են տեղեկություններով:
Ադրբեջանական լրատվամիջոցները, հղում կատարելով այդ երկրի ռազմական գերատեսչությանը, 2014 թվականի դեկտեմբերին հաղորդել էին, որ գերեվարել են Արսեն Էդուարդի Բաղդասարյանին: Ավելի ուշ ԼՂՀ պաշտպանության բանակը հայտարարել է, որ Արսեն Բաղդասարյանը, հանդիսանալով ՊԲ պայմանագրային զինծառայող, պարբերաբար ինքնակամ լքել է իր մշտական տեղակայման վայրը, ինչի համար հրամանատարության որոշմամբ, կարգապահական խախտումներ կատարելու հիմնավորմամբ, ժամանակավորապես հեռացված է եղել ծառայությունից:Ադրբեջանական դատարանը մայիսի 5-ին հայ սահմանախախտին դատապարտել է 15 տարվա ազատազրկման: Ծանր հանցագործությունները քննող Գյանջայի դատարանը հայ սահմանախախտ Արսեն Բաղադասրյանին դատել է որպես դիվերսանտ: