Գյումրիում ազատ են արձակվել բերման ենթարկված բոլոր քաղաքացիները

ԳՅՈՒՄՐԻ« 23 ՀՈՒՆԻՍԻ« ԱՐՄԵՆՊՐԵՍ: ՀՀ ոստիկանության «Կումայրի» բաժնից ազատ են արձակվել բերման ենթարկված բոլոր 13 քաղաքացիները: Հարուցվել է քրեական գործ՝ խուլիգանության հատկանիշներով, սակայն պարզ է դարձել, որ բերման ենթարկվածներից միայն մեկը՝ Կարեն Պետրոսյանն է ոստիկանություն բերման ենթարկվել որպես կասկածյալ, իսկ մյուսները՝ որպես գործով վկաներ:

Ինչպես «Արմենպրես»-ին տեղեկացրեց Կարեն Պետրոսյանի շահերի պաշտպան Արամայիս Հայրապետյանը, այս պահի դրությամբ Կարենը կասկածվում ՝ ՀՀ ՔՕ 258 հոդվածի առաջին մասով նախատեսված հանցավոր արարք կատարելու մեջ՝ խուլիգանություն հատկանիշով: «Որպես խափանման միջոց ընդունվել է ստորագրություն՝ չհեռանալու մասին: Նախաքննությունը շարունակվում է: Տվյալ պարագայում յոթօրյա ժամկետում կա՛մ պետք է վերացվի խափանման միջոցը, կա՛մ մեղադրանք առաջադրվի»,-նշեց Արամայիս Հայրապետյանը:

Գյումրու Թատերական հրապարակում նստացույցի մասնակիցներւ վաղ առավոտյան բերման էին ենթարկել ոստիկանության «Կումայրի» բաժին:

Արմենուհի Մխոյան