2 րոպեի ընթերցում
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Հարաբերականության տեսության ստեղծողի՝ Ալբերտ Էյնշտեյնի անձնական նամակները հունիսի 11-ին կվաճառվեն Profiles in History աճուրդների տան կողմից Կալիֆոռնիայում կազմակերպվող աճուրդում, տեղեկացնում Է «Արմենպրես»-ը:
«Նամակները հնարավորություն են տալիս իմանալ, թե ինչի մասին Էր մտածում Էյնշտեյնը, երբ զբաղված չԷր լինում գիտական տեսությունների քննարկմամբ, ինչ խորհուրդներ Էր տալիս երեխաներին, ինչպես Էր հավատում Աստծուն»,-ամերիկյան լրատվամիջոցները մեջբերել են աճուրդների տան հիմնադիր Ջոզեֆ Մադալենայի խոսքը:
Նամակներից մեկում Էյնշտեյնը, օրինակ, որդուն հորդորում ավելի լրջորեն վերաբերվել երկրաչափության ուսումնասիրմանը, մյուսում՝ մխիթարում Է ընկերուհուն, որին հայտնի Է դարձել ամուսնու անհավատարմության մասին:
Մեկ այլ նամակում ֆիզիկոսը հիշում Է մանկության տարիներին ազգականներից մեկի կողմից իրեն նվիրված խաղալիք շոգեքարշի մասին, որն իր մեջ հետաքրքրություն առաջացրեց գիտության նկատմամբ:
Ենթադրվում Է, որ անգլերեն եւ գերմաներեն լեզուներով գրված 27 ձեռագիր եւ տպագիր նամակներից յուրաքանչյուրը կարժենա 5 հազար դոլարից մինչեւ 40 հազար դոլար: Ընդհանուր հասույթը կարող Է կազմել 500 հազար դոլարից մինչեւ 1 միլիոն դոլար, հաղորդել Է «Ինտերֆաքս»-ը: