2 րոպեի ընթերցում
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Հնդկական ծագմամբ անգլիացի Նազար Սինգհը, որը համարվում Է Մեծ Բրիտանիայի ամենատարեց բնակիչը, նշել Է իր ծննդյան 111-ամյակը: Ինչպես հաղորդում Է «Արմենպրես»-ը՝ հղում անելով The Daily Mail-ին, տոնակատարության ժամանակ տղամարդը խմել Է մեկ գավաթ գարեջուր եւ մեկ բաժակ վիսկի: Իր երկարակեցության գաղտնիքը Սինգհը համարել Է կուշտ քնելը, առողջ կենսակերպը եւ վիսկի օգտագործելը:
Անվանակոչիկի որդին՝ Չեին Սինգհ Գիլլը, պատմել Է, որ իր հայրը քնում Է օրական ինը ժամ, սիրում Է խմել կաթ եւ նշի յուղ, ինչպես նաեւ կանոնավոր կերպով միրգ Է ուտում: 111 տարվա ընթացքում նա ոչ մի վիրահատություն չի տարել, պահպանել Է մի քանի սեփական ատամներ եւ իդեալական լսողություն ունի: Չեին Սինգհ Գիլլը ճշտել Է, որ իր հայրը ծննդյան օրը նշել Է ընտանեկան շրջապատում Հնդկաստանում, ուր մեկնել Է այս տարվա սկզբին:
Նազար Սինգհը ծնվել Է 1904 թվականի հունիսի 8-ին Հնդկաստանի ոչ մեծ գյուղում: 10 տարեկան հասակից նա ընտանիքին օգնել Է շաքարեղեգ, բամբակ, եգիպտացորեն, ցորեն եւ գյուղատնտեսական այլ մշակաբույսեր աճեցնելու գործում: Այգեգործությամբ եւ բանջարաբուծությամբ զբաղվելը Սինգհը դադարեցրել Է միայն չորս տարի առաջ:
1932 թվականին տղամարդը Հնդկաստանի համար ավանդական պայմանագրային ամուսնություն Է կնքել Նարայան Քաուր անունով աղջկա հետ, որը հարեւան գյուղից Էր: Նրանց ամուսնությունից ծնվել Է ինը երեխա: Նրա կինը մահացել Է 12 տարի առաջ՝ 90 տարեկան հասակում: Բացի ինը երեխաներից, Սինգհը ունի 34 թոռ եւ 64 թոռնորդի:
1965 թվականին տղամարդը ընտանիքի հետ տեղափոխվել Է Անգլիա, որտեղ գրեթե 25 տարի աշխատել Է ձուլման ձեռնարկությունում:
Մոլորակի ամենատարեց բնակչի կոչումը պատկանում Է ամերիկուհի Ջերալիեն Թելլիին, որի 116 տարին լրացել Է մայիսի 23-ին: Կինն ապրում Է Դեթրոյթի (Միչիգանի նահանգ) արվարձանում գտնվող սեփական տանը:
Լուսանկարը` SWNS