Չինական ռեստորանը զեղչեր է տրամադրում կարճ կիսաշրջազգեստով այցելուներին

ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Չինական «Jinan» ռեստորանում մշտապես կարելի է հանդիպել աղջիկների ու կանանց՝ չափազանց կարճ կիսաշրջազգեստով: Ինչպես հաղորդում է «Արմենպրես»-ը` վկայակոչելով միջազգային լրատվամիջոցները, պատճառն այն է, որ ռեստորանը մեծ զեղչեր է տրամադրում` կիսաշրջազգեստների երկարությունից կախված: Ծնկից ութ սանտիմետր բարձր կիսաշրջազգեստով աղջիկներն ու կանայք ստանում են զեղչ 20 տոկոսի չափով, իսկ նրանք, ում կիսաշրջազգեստի երկարությունը ծնկից 33 սանտիմետր է բարձր, գրեթե անվճար են ճաշում` 90 տոկոս զեղչով:

Զեղչը տրամադրելու համար ռեստորանում հատուկ նշանակված անձնավորությունը մետրով չափում է բոլոր աղջիկների ու կանանց կիսաշրջազգեստների երկարությունը, որից հետո տրամադրում է զեղչը: