Կրիշտիանու Ռոնալդուի մասին ֆիլմը վարձույթ դուրս կգա 2015 թվականի հոկտեմբերին

ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Իսպանական «Ռեալ»-ի եւ Պորտուգալիայի ֆուտբոլի հավաքականի հարձակվող Կրիշտիանու Ռոնալդուի մասին պատմող ֆիլմը վարձույթ դուրս կգա 2015 թվականի հոկտեմբերին: Այդ մասին, ինչպես տեղեկացնում Է «Արմենպրես»-ը, հաղորդել Է Marca իսպանական հրատարակությունը:

Ֆիլմի նկարահանումներով զբաղվում Է Universal Pictures հայտնի կինոընկերությունը:

Ռոնալդուն արդի ամենահաջողված ֆուտբոլիստներից մեկն Է: «Մանչեսթր Յունայթեդ»-ի կազմում նա երեք անգամ շահել Է Անգլիայի առաջնությունը եւ մեկ անգամ՝ Չեմպիոնների լիգան: Մադրիդի «Ռեալի»-ի հետ պորտուգալացին մեկական հաղթանակի Է հասել Իսպանիայի առաջնությունում եւ Չեմպիոնների լիգայում:

Ռոնալդուն երկու անգամ արժանացել Է «Ոսկե գնդակ» պարգեւին, որը Ֆուտբոլի միջազգային ֆեդերացիան (ՖԻՖԱ) հանձնում Է տարվա լավագույն խաղացողին: Նա նաեւ մեկ անգամ «Ոսկե գնդակ» Է ստացել France Football հրատարակության վարկածով: 30-ամյա հարձակվողին Է պատկանում Պորտուգալիայի հավաքական կազմում գոլերի թվով ռեկորդը՝ 52 գոլ 119 հանդիպումներում: Ռոնալդուն ազգային թիմի հետ միասին խաղացել Է ֆուտբոլի Եվրոպայի 2004 թվականի առաջնության եզրափակիչում, հաղորդել Է ՏԱՍՍ-ը:

Լուսանկարը` EPA