Ամերիկացին ոստիկան Է կանչել կատվի հետ երեք ժամ տեւած դիմակայությունից հետո

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: ԱՄՆ-ի Սթեմֆորդ քաղաքի (Քոննեքտիքութի նահանգ) բնակիչը ոստիկանությանն Է դիմել այն բանից հետո, երբ երեք ժամ շարունակ չի կարողացել սեփական տուն մտնել ագրեսիվ կատվի պատճառով: Այդ մասին, ինչպես տեղեկացնում Է «Արմենպրես»-ը, հաղորդել Է FOX CT-ն:

Զանգահարելով դիսպետչերական ծառայություն՝ տղամարդը պատմել Է, որ նախօրյակին կենդանին ձագ Է բերել, իսկ առավոտյան չանկռել Է իր ոտքը: «Ես եւ կինս եկել ենք տուն, բայց չենք կարողանում ներս մտնել արդեն երեք կամ չորս ժամ»,-հայտնել Է կատվի տերը:

Տղամարդը նաեւ ճշտել Է, որ իր կատվի քաշը գերազանցում Է 3 կիլոգրամը: Ժամանելով միջադեպի վայր՝ ոստիկանները կարողացել են հանգստացնել կենդանուն, եւ ընտանիքն ի վերջո տուն Է մտել: Նշվում Է, որ իրավակարգի պահապանները տղամարդուն խորհուրդ են տվել որոշ ժամանակ հեռու մնալ կատվից: