Չինացի պիոներների հիմնի նոր տարբերակը Համացանցի հիթ Է դարձել

ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Չինաստանի պիոներների «Մենք կոմունիզմի ժառանգորդներն ենք» հիմնի նոր տարբերակը դարձել Է Համացանցի չինական սեգմենտի հիթը: Այդ մասին, ինչպես տեղեկացնում Է «Արմենպրես»-ը, հաղորդել Է The Wall Street Journal թերթը:

ՉԺՀ-ի երիտասարդության կոմունիստական միությունը, որը ղեկավարում Է Չինաստանի պիոներական կազմակերպությունը, հայտնի երգի նորացված տարբերակը ներկայացրել Է հունիսի 1-ի՝ Երեխաների պաշտպանության օրվա առթիվ: Ինչպես նշում Է հրատարակությունը, «այդ տեսանյութում ամեն ինչ կա. անօդաչու սարքեր, մարմնամարզիկներ, կարմիր վզկապներ եւ Յաո Մինը (նշանավոր չինացի բասկետբոլիստ), Չինաստանում անչափ մեծ ժողովրդականություն վայելող TFBOYS երիտասարդական խումբը, Չինաստանի ժողովրդա-ազատագրական բանակի գեներալ Չի Հաոտյանը, ինչպես նաեւ քայլերթով անցնող հազարավոր երեխաներ»:

Հունիսի 1-ի երեկոյան հոլովակն արդեն 140 հազար ռետվիտներ Էր հավաքել ՉԺՀ-ում ժողովրդականություն վայելող Weibo սոցիալական ցանցում եւ մտել Համացանցի չինական սեգմենտի թոփ:

Չինաստանի պիոներական կազմակերպությունն ստեղծվել Է 1949 թվականին: Խատ կողմերով այն հիշեցնում Է խորհրդային պիոներիան. այն միավորում Է 6-ից մինչեւ 14 տարեկան 150 մլն երեխաների: