Քիմ Քարդաշյանը հղի է. հաստատել է ռեալիթի-շոուի աստղը

ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Քիմ Քարդաշյանը երկրորդ երեխան է ունենալու: Այդ մասին, ինչպես տեղեկացնում է «Արմենպրես»-ը, գրել է Huffington Post-ը:«Հենց նոր ստացա արյան թեստը, ես հղի եմ»,- ասել է Քարդաշյանն իր քրոջը՝ Քլոեին, «Քարդաշյանների ընտանիքը» ռեալիթի-շոուի հերթական սերիայի անոնսում:

34-ամյա Քարդաշյանը եւ նրա ամուսինը՝ 37-ամյա Քանյե Ուեսթը, ունեն դուստր: Աղջիկը ծնվել է 2013 թվականի հունիսին: Նրան տվել են Նորթ անունը:Այն ժամանակվանից, երբ զույգը անցյալ տարվա մայիսին Իտալիայում գրանցեց ամուսնությունը, Քարդաշյանը եւ Ուեսթը չէին թաքցնում, որ պլանավորում են երկրորդ երեխան ունենալ: