Google-ը հայտարարել Է Google Photos անսահմանաքանակ ֆոտոսերվիսի մասին

ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Google ընկերությունը ներկայացրել Է Google Photos նոր ֆոտոսերվիսը, որը մասամբ կմրցակցի հանրաճանաչ Instagram հավելվածի հետ: Ինչպես տեղեկացնում Է «Արմենպրես»-ը, ծառայությունը ներկայացվել Է Google I/O-ի մշակողների համար ամենամյա խորհրդաժողովում:

Հավելվածը Google-ի տեխնոլոգիաներն օգտագործում Է անձանց ճանաչման համար՝ թույլ տալով լուսանկարները տեսակավորել ավտոմատ ռեժիմով եւ ավելի հարմար որոնել անհրաժեշտ լուսանկարները, օրինակի համար՝ օգտատիրոջ բոլոր լուսանկարները նրա երեխաների հետ, նույնիսկ եթե նա ոչ մի նշան չի դրել դրանց վրա:

Սակայն գլխավոր անակնկալը դարձել Է այն, որ Google Photos-ի օգտատերերը կարող են բարձր որակով պահել անսահմանաքանակ լուսանկարներ եւ տեսագրություններ՝ մինչեւ 16 մեգապիքսել լուսանկարների համար եւ մինչեւ 1080 p տեսագրության համար:

Լուսանկարը` REUTERS