1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Քուվեյթում տեղի է ունեցել «Բարսեղ Կանաչյան» երգչախմբի անդրանիկ ելույթը՝ թեմի առաջնորդ Մասիս Ծ. Վրդ. Զոբույանի հովանավորությամբ և Ջորջ Արաբաթլյանի ղեկավարությամբ:
Այս մասին «Արմենպրես»-ը տեղեկացավ Քուվեյթի ազգային առաջնորդարանի ֆեյսբուքյան էջից: Համերգը վարել է Նարինե Գոնջայան–Արաբաթլյանը:
Համերգին ներկա են եղել Քուվեյթում ՀՀ հյուպատոս Լևոն Պետրոսյանը, Սրբոց Վարդանանց եկեղեցու հոգևոր հովիվ Տ. Արտակ Քեհեայանը, ազգային մարմինների ներկայացուցիչներ և համայնքի անդամներ:
Համերգի ընթացքում երգչախումբը ներկայացրել է հայ երգի հարուստ գանձարանի դասական, ժողովրդական, ազգային և հայրենասիրական նմուշներ:
Միջոցառման ավարտին խոսքով հանդես է եկել թեմի առաջնորդ Գերպ. Տ. Մասիսի Ծ Վրդ. Զոբույանը: Նա բարձր է գնահատել կատարված աշխատանքը և երգչախմբին մաղթել է նորանոր հաջողություններ: