2 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Շվեդ մանկական գրող Աստրիդ Լինդգրենի կարմրահեր, պեպենոտ եւ ոգով ու ֆիզիկապես ուժեղ հերոսուհին կամ Երկարագուլպա Պեպպին նշում Է ծննդյան օրը. լրանում Է նրա 70 տարին, տեղեկացնում Է «Արմենպրես»-ը:
Գրողն ինքը բազմիցս լրագրողներին պատմել Է, որ Պեպպին իր լույս աշխարհ գալու համար պարտական Է իր դստերը՝ Կարինին: 1941 թվականի ձմռան մի օր մրսած աղջիկը մորը խնդրել Է հեքիաթ պատմել եւ մոր «ի՞նչ հեքիաթ» հարցին, պատասխանել Է. «Պատմիր Երկարագուլպա Պեպպի մասին»:
Պեպպիի մասին առաջին պատմությունը Կարինը մորից ձեռագիր տեսքով նվեր Է ստացել իր ծննդյան օրը՝ 1944 թվականի մայիսի 21-ին: Պեպպիի մասին առաջին գիրքը լույս Է տեսել 1945 թվականի նոյեմբերին:
Ինչպես նշում Է ՌԻԱ Նովոստին, պեպենոտ չարաճճի աղջա մասին հեքիաթային պատմություններով են մեծացել ոչ միայն շվեդների, այլեւ ամբողջ աշխարհի բազմաթիվ ընթերցողների շատ սերունդներ:
Պեպպիի մասին գրքերը թարգմանվել են 70 լեզուներով եւ վաճառվել 60 միլիոն օրինակ ընդհանուր թվով: Ընդհանուր գնահատումներով՝ ընդամենը Լինդգրենի գրքերը վաճառվել են 150 միլիոն օրինակով, որոնցից շատերը՝ հենց Պեպպիի մասին են:
Լինդգրենը (1907 – 2002) ՝ տանիքում ապրող Կառլսոնի, լյոնենբերգցի Էմիլեի, Երկարագուլպա Պեպպիի, Առյուծասիրտ եղբայրների եւ հեքիաթային այլ հերոսների մասին պատմությունների հեղինակը, մնում Է Շվեդիայում ամենասիրելի եւ ամենաընթերցվող գրողներից մեկը: