Իսպանիայում 6 հազար ձվից ձվածեղ են պատրաստել

ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Իսպանական Կարկասիա քաղաքում պատրաստել են ձվածեղ 6 հազար ձվից:

Ինչպես հաղորդում է «Արմենպրես»-ը` վկայակոչելով միջազգային լրատվամիջոցները, այն պատրաստվել է ամենամյա ֆիեստայի 25-ամյակի առիթով:

Հսկայական թավայի տեղադրման համար պահանջվել է կռունկ: Բացի 6 հազար ձվից, ձվածեղի պատրաստման համար նաև օգտագործվել է 350 լիտր ձիթապտղի յուղ, 7 կիլոգրամ աղ, 1,4 կգ կարտոֆիլ: Ձվածեղի տրամագիծը կազմել է 3 մետր, իսկ հաստությունը շուրջ 15 սմ:

Մեկ բաժին ձվածեղի արժեքը կազմել է երեք եվրո: