Թեհրանում կայացել է Հայոց ցեղասպանության տարելիցին նվիրված երեկո
1 րոպեի ընթերցում
![Թեհրանում կայացել է Հայոց ցեղասպանության տարելիցին նվիրված երեկո](http://armenpress.am/resized/480/static/news/b/2015/05/805350.jpg)
ԹԵՀՐԱՆ, 14 ՄԱՅԻՍԻ, ԱՐՄԵՆՊՐԵՍ: Թեհրանում կայացել է Հայոց ցեղասպանության 100-րդ տարելիցին նվիրված մշակութային երեկո: Ինչպես հաղորդում է «Արմենպրես»-ը` վկայակոչելով «Ալիք»-ը, երեկոյի ընթացքում «Արարատ» պարային խումբը իրանահայ եւ օտարերկրյա հանդիսատեսի համար ներկայացրել է հայկական ժողովրդական պարեր, պարային բեմադրություններ, հնչել են հայ դասականների արձակ ստեղծագործություններն ու հայկական ժողովրդական երգեր:
Միջոցառման ընթացքում «Արարատ» միության կենտրոնական վարչության նախագահ Գեւորգ Վարդանը խոսել է Հայոց ցեղասպանության մասին, ներկայացրել այն երկրների դիրքորոշումը, ովքեր ճանաչել են 20-րդ դարի առաջին ցեղասպանությունն ու շեշտել, որ այսօր ցեղասպանությունները շարունակվում են, քանի որ կատարված ցեղասպանություններն արժանի պատիժ եւ հատուցում չեն ստացել: