Չորս հայ է հոսպիտալացվել Վրաստանում տեղի ունեցած ՃՏՊ-ի հետևանքուվ

ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ: Բագրատաշեն-Թբիլիսի ավտոճանապարհի 53-րդ կիլոմետրում` Կումիսի գյուղում, բախվել են «Օպել» մակնիշի (վարորդ Խլաչեդ Ալոխադձե) VIN 155 պ/հ-ի և «Աուդի» մակնիշի (վարորդ Վազիտ Ավետիսյան) 33OR646 պ/հ-ի ավտոմեքենաները: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, մայիսի 13-ի՝ ժամը 20.01-ին, Վրաստանի ՆԳՆ ԱԻ դեպարտամենտի օպերատիվ հերթապահից տեղեկատվություն է ստացվել այս մասին:

Պարզվել է, որ վթարը տեղի է ունեցել 16.46-ի սահմաններում, ինչից «Աուդի» մակնիշի վարորդը և ուղևորներ Մարինե Մելիքյանը (ծնվ. 1985թ), Էմմա Ավետիսյանը (ծնվ. 2011թ), Վազիկ Ավետիսյանը (ծնվ. 2013թ) հոսպիտալացվել են Մարնեուլի քաղաքի ԲԿ. որտեղ տուժածների առողջական վիճակը գնահատվել է բավարար: