Մոսկվայի բնակիչ Բագրատը օրեր շարունակ հետապնդել է Քանյե Ուեսթին

ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Մոսկվայի բնակիչ Բագրատը մի քանի օր շարունակ հետապնդել է ռեփեր Քանյե Ուեսթին Երևանում, որպեսզի կարողանա նրա ինքնագիրն ունենա իր Yeezy Boost մարզակոշիկների նրա: Ինչպես հաղորդում է «Արմենպրես»-ը վկայակոչելով Complex-ը, դրանք ռեփերը թողարկել է Nike-ի հետ համատեղ: Ամերիկյան կայքը պատմում է, որ Բագրատը, տեղեկանալով Ուեսթի և Քիմ Քարդաշյանի Հայաստան ժամանելու մասին, շտապ մեկնել է Երևան: «Երիտասարդի առաջին երկու փորձերը հաջողությամբ չեն պսակվել. Քիմի ամուսինը անտեսել է Բագրատի խնդրանքը «Ծանոթություն Քարդաշյանների հետ» ռեալիթի-շոուի նկարահանման ժամանակ, իսկ այնուհետ Քանյեն անտեսել է երկրպագուներին, որոնք նրան սպասում էին հյուրանոցի մոտ: Հաջողությունը նրան ժպտացել է, երբ ծանոթներից մեկը տեղեկացրել է, թե որ ռեստորանում է ճաշում Ուեսթ-Քարդաշյան զույգը: Գործին խառնելով մեծանուն հարազատներին, Բագրատին հաջողվել է մտնել ռեստորան, և Ուեսթը ինքնագիրը թողել է Yeezy Boost-ի վրա»,- գրում է կայքը` հավելելով, որ երկրպագուն մի կոշիկը հանել է վաճառքի K'lekt ինտերնետ-տիրույթում: Կոշիկի գինը կազմում է 10 հազար դոլար: