Չինաստանում 126 միլիոն տարի առաջ ապրած դինոզավրի քարացուկներ են գտել

ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Չինաստանի հյուսիս - արեւելքի Լյաոնինի նահանգի գյուղերից մեկում հայտնաբերել են դինոզավր-զաուրոպոդի քարացած մնացորդներ: Այդ մասին, ինչպես տեղեկացնում Է «Արմենպրես»-ը, մայիսի 6-ին հաղորդել Է Սինհուա գործակալությունը:

Լյաոնինի նահանգի բրածոների պաշտպանության բյուրոյի փորձագետների տվյալներով՝ Չաոյանի քաղաքային օկրուգի գյուղերից մեկում գտնված քարացուկները պատկանում են 15-մետրանոց զաուրոպոդի, որն ապրել Է Կավճային դարաշրջանում:

Դինոզավրի քարացած մնացորդներն առաջինը հայտնաբերել Է տեղացի մի բնակիչ, երբ աշխատում Էր դաշտում: Բրածոների պաշտպանության տեղական բյուրոյի ղեկավար Սուն Յունշանի խոսքով՝ փորձագետները պլանավորում են մոտ ապագայում կազմակերպել խումբ, որն այդ վայրում կզբաղվի պեղումներով, հաղորդել Է ՌԻԱ Նովոստին: