398.84
ԱՄՆ-ի մասնագետները կանխատեսում են, որ «Պրոգրես» տիեզերանավը կընկնի մայիսի 8-ին
1 րոպեի ընթերցում
ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: «Պրոգրես-Մ-27Մ» բեռնատար տիեզերանավն ուղեծրից դուրս կգա մայիսի 8-ին: Այդ մասին, ինչպես տեղեկացնում Է «Արմենպրես»-ը, հաղորդել Է ԱՄՆ-ի ռազմավարական հրամանատարության տիեզերական գործողությունների միավորված կենտրոնը:
Ամերիկացի զինվորականները ենթադրում են, որ նավի բեկորների անկման շրջանը կգտնվի ԱՄՆ-ի խաղաղօվկիանոսյան ափի մերձակայքում: Ավելի վաղ ենթադրվում Էր, որ «Պրոգրես»-ն ուղեծրից դուրս կգա մայիսի 9-ին եւ կընկնի Կուբայից 1600 կիլոմետր արեւելք գտնվող շրջանում:
Իր հերթին, Ռոսկոսմոսը բեռնատար տիեզերանավի բեկորների անկումը կանխատեսում Է մայիսի 5-ից մինչեւ 7-ն ընկած շրջանում:
«Պրոգրես» նավը հաշվարկային ուղեծիր դուրս չի բերվել ապրիլի 27-ին արձակվելուց հետո: Թռիչքների կառավարման կենտրոնին չհաջողվեց կապվել նավի հետ, ինչից հետո «Պրոգրես»-ն սկսեց անկառավարելի անկումը ուղեծրից, հաղորդել Է BBC-ն:
Բաժանորդագրվեք մեր ալիքին Telegram-ում