1 րոպեի ընթերցում
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանը հաղթանակով մեկնարկեց Ռուսաստանի շախմատի ակումբային առաջնությունում:
Արոնյանը, ով հանդես է գալիս «Սիբիր» թիմի կազմում, առաջն տուրում սպիտակներով հաղթեց Ալեքսանդր Մոտիլյովին: Նույն թիմի կազմում հանդես եկող Վլադիմիր Կրամնիկը պարտություն է կրել: Այս հաղթանակի շնորհիվ Արոնյանի թիմը` Նովոսիբիրսկի «Սիբիրը», 3,5:2,5 հաշվով հաղթեց Սվերդլովսկի «Մալախիտին»:
«Արմենպրես»-ի հաղորդմամբ, Լևոն Արոնյանն օրեր առաջ ավարտված շախմատի աշխարհի թիմային առաջնությունում առաջին խաղատախտակի վրա լավագույնն էր: