Մի քանի ժամում Բեքհեմն Instagram-ում հավաքել է 1 մլն բաժանորդ

ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Անգլիացի աշխարահռչակ ֆուտբոլիստ Դդևիդ Բեքհեմը մայիսի 2-ին` իր 40-րդ տարեդարձի օրը, միացել է Instagram սոցիալական կայքին: Ինչպես փոխանցում է «Արմենպրես»-ը` այդ մասին հայտնում է Instagram-ի մամուլի ծառայությունը: Իր առաջին քայլը Բեքհեմը նշանավորել է սելֆի տեղադրելով: «Բարի լույս և ողջույն: Հիանալի է ի վերջո լինել Instagram-ում: Ուրախությամբ կկիսվեմ ձեզ հետ իմ կյանքի բոլոր յուրահատուկ պահերով: Բոլորին շնորհակալություն ծննդյանս օրվա շնորհավորանքների համար»,- գրել է Բեքհեմը:

Մի քանի ժամվա ընթացքում Բեքհեմի պորֆիլին բաժանորդագրվել է մեկ միլիոն մարդ: