Չինացիները 19 օրում 57-հարկանի երկնաքեր են կառուցել

ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: Չինաստանի Broad Sustainable Building Co.շինարարական ընկերությունը երկրի կենտրոնական շրջանում 57-հարկանի երկնաքերը կանգնեցրել Է ընդամենը 19 աշխատանքային օրում: Այս մասին, ինչպես տեղեկացնում Է «Արմենպրես»-ը, հաղորդել Է Associated Press-ը:

Պողպատից եւ ապակուց ուղղանկյուն կառուցվածքը հայտնվել Է Հունանի նահանգի Չանշայի կենտրոնական օկրուգում: Շենքը կառուցելիս բանվորները կիրառել են մոդուլային մեթոդը, որը նրանց թույլ Է տվել օրական միանգամից երեք հարկ կառուցել: Այս մոտեցումը կիրառվում Է նաեւ ԱՄՆ-ում եւ Մեծ Բրիտանիայում, սակայն չի վայելում ճարտարապետների հարգանքը պատրաստի կառույցների արտաքին տեսքի պրիմիտիվության պատճառով:

Տեսահոլովակը, որտեղ պատկերված Է Mini Sky City անվանումն ստացած շենքի հավաքումը, դարձել Է չինական տեսահոստինգների հիթը:

Mini Sky City-ի բնակելի եւ գրասենյակային հարկաբաժինների առաջին վաճառքները կսկսվեն արդեն մայիսին:

Լուսանկարը` Broad Group