Փրկարարներն ապամոնտաժել են Դավիթաշենի շենքներից մեկի թիթեղյա ծածկը
1 րոպեի ընթերցում
![Փրկարարներն ապամոնտաժել են Դավիթաշենի շենքներից մեկի թիթեղյա ծածկը](http://armenpress.am/resized/480/static/news/b/2015/04/803898.jpg)
ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում ապրիլի 30-ին՝ ժամը 12.33-ին, ահազանգ է ստացվել, որ Երևանի Դավիթաշենի 2-րդ թաղամասի թիվ 14 շենքի 29-րդ բնակարանի (6-րդ հարկ) պատշգամբի թիթեղյա ծածկը թուլացել և կախվել է, առկա է ընկնելու վտանգ. անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրշեջ-փրկարարներն ապամոնտաժել են թիթեղյա ծածկը: