2 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: People հանդեսը հոլիվուդյան դերասանուհի Սանդրա Բալոքին ճանաչել Է 2015 թվականի ամենագեղեցիկ կինը: Այդ մասին, ինչպես տեղեկացնում Է «Արմենպրես»-ը, հաղորդվում Է հրատարակության առցանց տարբերակի կայքում:Խմբագրությունը չի կազմել որեւիցե վարկանիշ եւ ընտրությունն արել Է անձնական նախապատվությունների հիման վրա՝ 50-ամյա դերասանուհու լուսանկարը զետեղելով թարմ համարի շապիկին եւ նրան անվանելով «իսկական ու ճառագող»: Լրագրողները նշել են, որ Բալոքի գեղեցկությունը չի տեղավորվում ընդհանուր ճանաչում գտած պատկերացումներում, սակայն անփոփոխ Է մնացել նրա 30 տարվա կինոկարիերայի ընթացքում:
People-ին տված հարցազրույցում կինոաստղը խմբագրությանը շնորհակալություն Է հայտնել իրեն պատվելու համար, նշելով, որ «իսկական գեղեցկությունը մայր լինելն Է»:
Սանդրա Բալոքը «Լավագույն դերասանուհի» անվանակարգում «Օսկար» եւ «Ոսկե գլոբուս» Է ստացել «Անտեսանելի կողմը» ֆիլմում խաղացած դերի համար, որը Էկրան Է բարձրացել 2010 թվականին: Նույն տարվա հունվարին նա ամուսնու՝ հեռուստահաղորդավար Ջեսի Ջեյմսի հետ միասին որդեգրել են մի տղայի՝ Լուիս Բարդոյին: 2010 թվականի ապրիլին զույգը բաժանվել Է: Բալոքն այժմ երեխային միայնակ Է դաստիարակում:
People հանդեսն ամենագեղեցիկ կնոջ կոչումը շնորհում Է ամեն տարի: 2014 թվականին հրատարակությունը թույլ սեռի ամենագրավիչ ներկայացուցիչ Էր ճանաչել դերասանուհի Լյուպիտա Նիոնգոյին:
Լուսանկարը`AFP