Շոու բիզնես

Քիմ Քարդաշյանը Քանյե Ուեսթին ցույց է տալիս իր հայրենիքը. Daily Mail-ի անդրադարձը

2 րոպեի ընթերցում

Քիմ Քարդաշյանը Քանյե Ուեսթին ցույց է տալիս իր հայրենիքը. Daily Mail-ի անդրադարձը

ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Քիմ Քարդաշյանը այժմ գտնվում է Հայաստանում` վերամիավորվելու իր արմատների հետ: Այսպես է սկսվում բրիտանական Daily Mail-ի հերթական անդրադարձը Քարդաշյանների այցին Հայաստան:

Ինչպես հաղորդում է «Արմենպրես»-ը, պարբերականը, տեղադրելով Քիմի և նրա ամուսնու` Քայնե Ուեսթի լուսանկարները, հոդվածը վերնագրել է այսպես. «Թույլ տուր ցույց տալ քեզ իմ երկիրը»:

Բրիտանական լրատվականը գրում է, որ ապրիլի 10-ին Ուեսթ ամուսիններն ընթրել են Երևանյան ռեստորաններից մեկում, ինչից հետո, դուրս գալով և հանդիպելով իրենց երկրպագուներին, լուսանկարվել են նրանց հետ:

Daily Mail-ը գրում է, որ նույն օրն ավելի վաղ Քարդաշյաններն այցելել էին Հայոց ցեղասպանության հուշահամալիր և ծաղիկներ դրել Ցեղասպանության զոհերի հիշատակին: «Նրանք մռայլ տեսք ունեին, իսկ 30-ամյա Քլոեն անգամ մի պահ սրբեց իր արցունքները, երբ լռության մեջ իր զարմուհիների հետ կանգնած էր հուշահամալիրում»,- գրում է բրիտանական պարբերականը` հիշեցնելով, որ Քարդաշյանների ընտանիքի հայրական կողմը Միացյալ Նահանգներ է եկել այն շրջաններից, որոնք ներկայում գտնվում են Թուրքիայի տարածքում: Daily Mail-ը նշում է նաև, որ ութօրյա այցելության ընթացքում Քարդաշյանները լինելու են Հայաստանի ազգային արխիվում` տեսնելու իրենց նախնիների մասին փաստաթղթերը, ինչպես նաև այցելելու են Գյումրի, որտեղ բնակվում են նրանց հեռավոր բարեկամները:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում