398.88
Գալուստ Սահակյանը կրկին սխալ արտասանեց Էնֆիաջյանի ազգանունը և հումորով շտկեց իրավիճակը
1 րոպեի ընթերցում
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Ազգային ժողովի նախագահ Գալուստ Սահակյանը կրկին դժվարացավ արտասանել ԲՀԿ խմբակցության պատգամավոր Վահե Էնֆիաջյանի ազգանունը: ԱԺ նախագահը հայտարարեց, որ խորհրդարանը սկսում է Հայոց ցեղասպանության 100-րդ տարելիցի կապակցությամբ հայտարարության նախագծի քննարկումը, և, երբ ընթերցում էր հայտարարության նախագծի հեղինակների անունները, նա կրկին խնդիրներ ունեցավ Վահե Էնֆիաջյանի ազգանունն արտասանելու հետ՝ արտաբերելով «Էնֆիջյան» ազգանունը:
Երբ դահլիճից հայտնեցին, որ Էնֆիաջյանի ազգանունը կրկին սխալ է արտասանել, Գալուստ Սահակյանը ժպտալով ասաց. «Էլի սխալ ասեցի՞… Էնֆիաջյան», ինքն իրեն ուղղեց ԱԺ նախագահը:
Իրավիճակն ամբողջությամբ շտկելու համար Գալուստ Սահակյանն իրեն հատուկ հումորով մի առաջարկ էլ արեց. «Ես կարծում եմ, որ բոլորս ինչ-որ մի ժամանակ պիտի հայկական դարձնենք մեր ազգանունները»:
ԱԺ նախագահը պատգամավոր Վահե Էնֆիաջյանի ազգանունն արտասանելու հետ կապված խնդիրներ էր ունեցել նախորդ քառօրյայի ընթացքում, ինչից պատգամավորը նեղսրտել էր:
Բաժանորդագրվեք մեր ալիքին Telegram-ում